Dita Ndërkombëtare e Tokës - 22 Prill

2012Viti:                                2012
Mesazhi:                    " Të mobilizojmë Tokën – Reagim qytetar nëpërmjet artit !"
Vendndodhja:            Zona Pedonale, Tiranë
Mbështetur nga:        Ambasada Amerikane, Ambasada Austriake
Partnerë:                    Bashkia Tiranë, Ministria e Mjedisit

Qendra EDEN në bashkëpunim me Bashkinë Tiranë, Ambasadën Amerikane, Ambasadën Austriake dhe Ministrinë e Mjedisit Pyjeve dhe Administrimit të Ujërave festoi për të 8-in vit rradhazi Ditën Ndërkombëtare të Tokës.Aktiviteti u zhvillua në Rr.” Murat Toptani” (zona pedonale). Mesazhi që u përcoll te qytetarët këtë vit ishte  “Të mobilizojmë Tokën – Reagim qytetar nëpërmjet artit”. Ky mesazh vendosë  në qendër të vemendjes njeriun si leva lëvizëse e planetit dhe në këtë kuadër u bazuan të gjitha aktivitetet që u mbajtën përgjatë gjithë paradites së ditës së dielë. 

Lexo më shumë

2011Viti:                                2011
Mesazhi:                    " Miliarda  veprime të gjelbërta"
Vendndodhja:            Divjakë, Karavasta dhe Galeria e Arteve,Tiranë
Mbështetur nga:        Ambasada Amerikane
Partnerë:                    Bashkia Divjakë dhe Bashkia Tiranë

2011 2“Miliarda veprime të gjelbërta” ishte mesazhi i Ditës së Tokës për këtë vit. Ishte ky mesazh që zgjoi dëshirën e qendrës EDEN për ta festuar ndryshe këtë vit. Në një bashkëpunim të përhershëm me Ambasadën Amerikane dhe Bashkinë Tiranë, Qendra EDEN celebroi Ditën e Tokës më datë 21 Prill në ambjentet gjelbëruese të Galerisë së Arteve, në praninë e shumë bizneseve, kompanive të cilat merren me prodhimin e produkteve bio në tregjet shqiptare. Gjithashtu pjesë e këtij aktiviteti ishin dhe organizata mjedisore të cilat janë aktive në shumë veprimtari mjedisore, përfaqësues nga shumë institucione, shkolla dhe kalimtarë të rastit.

Lexo më shumë

2010Viti:                                2010
Mesazhi:                    " Kujdesu për mua"
Vendndodhja:            Zona e Bllokut, Tiranë
Mbështetur nga:       Ambasada e Mbretërisë së Vendeve të Ulta
Partnerë:                    Bashkia Tiranë, UNICEF, MKI

Ky është viti i 6 radhazi që qendra EDEN feston Ditën e Tokës. me një bashkëpunim midis Ambasadës Hollandeze, Bashkisë Tiranë dhe EDEN është menduar se këtë vit një fokus më të madh do ju jepet për rritjen e numrit të organizatave për të qenë pjesë e eventit. Earth Day Network partner i përvitshëm i aktivitetit tonë. Ky event ka patur si qëllim promovimin e reduktimit të mbeturinave të letrës dhe riciklimit ndërmjet nxënësve; sensibilizimin e qytetarëve për reduktimin e përdorimit të qese plastike si dhe sjellja e fëmijëve më pranë natyrës përmes mbjelljes së filizave të luleve dhe fidanëve të pemëve të ndryshme.